श्री महेन्द्रनगर माध्यमिक विद्यालय (साधारण स्कूल), भीमदत्त नगरपालिका–१८, महेन्द्रनगर, कञ्चनपुरमा आयोजित अभिभावक भेला सफलतापूर्वक सुसम्पन्न भएको छ।
विद्यालय व्यवस्थापन समितिका अध्यक्ष श्री वीरेन्द्र राज विष्ट ज्यू सभाध्यक्ष रहनुभएको उक्त अभिभावक भेलामा अभिभावक ज्यूहरूले विद्यालयको शैक्षिक गुणस्तर, व्यवस्थापकीय पक्ष,अनुशासन लगायत विविध विषयमा महत्वपूर्ण छलफल गरेर रचनात्मक सल्लाह र सुझावसमेत प्रस्तुत गर्नुभएकोमा हार्दिक धन्यवाद।
आजको अभिभावक भेलाबाट सर्वसम्मत श्री हरिश भट्ट ज्यूको अध्यक्षतामा शिक्षक अभिभावक संघ गठन भएको छ । नव गठित शिक्षक अभिभावक संघलाई हार्दिक बधाई तथा सफल कार्यकालको मंगलमय शुभकामना।
साथै आफ्नो अमूल्य समय दिएर विद्यालयको चौतर्फी विकासमा चासो,चिन्ता र सहयोग गर्नुहुने सम्पूर्ण आदरणीय अभिभावक ज्यूहरूलगायत सबैलाई विद्यालय परिवारको तर्फबाट हार्दिक हार्दिक धन्यवाद।
मिति २०८३/०२/२३ शनिबार।